امریکی صدر ڈونلڈ ٹرمپ نے ایک بار پھر بھارت کو خبردار کرتے ہوئے کہا ہے کہ اگر وہ روسی تیل کے معاملے پر امریکا کے ساتھ تعاون نہیں کرتا تو وہ بھارتی مصنوعات پر درآمدی ٹیرف میں اضافہ کر سکتے ہیں۔
رائٹرز کے مطابق، صدر ٹرمپ نے ایک تقریب میں خطاب کرتے ہوئے کہا کہ امریکا روسی تیل کے حوالے سے بھارت کے مؤقف اور اقدامات پر گہری نظر رکھے ہوئے ہے۔ انہوں نے واضح کیا کہ اگر بھارت اس معاملے میں تعاون سے گریز کرتا رہا، تو امریکی حکومت ٹیرف بڑھانے کے آپشن پر غور کرے گی۔
یہ بیان ایک ایسے وقت میں سامنے آیا ہے جب دونوں ممالک کے درمیان تجارتی اختلافات پر مذاکرات جاری ہیں۔
قابلِ ذکر ہے کہ اس سے قبل صدر ٹرمپ نے یہ بھی دعویٰ کیا تھا کہ بھارتی وزیراعظم نریندر مودی نے انہیں یقین دلایا تھا کہ بھارت روسی تیل کی خریداری بند کر دے گا۔ تاہم، بھارتی حکومت کی جانب سے اس حوالے سے اب تک کوئی باضابطہ بیان جاری نہیں کیا گیا۔
About The Author
